ᐱᒻᓚᕆᐅᔪᖅ: ᑖᓐᓇ ᓇᓗᓇᐃᕐᓂᐅᔪᖅ ᐋᖅᑭᒃᑕᐅᓚᐅᖅᐳᖅ ᐊᕐᕌᒍᒥᑦ ᐱᒋᐊᕐᓂᐊᓂ 2022−ᒥᑦ. ᐊᑦᑕᕐᓇᖅᑕᐃᓕᓂᕐᒧᑦ, ᖃᐅᔨᒋᐊᖃᑦᑕᕆᑦ ᐊᒻᒪ ᓴᖅᑭᑕᐅᕙᓪᓕᐊᔪᑦ ᓇᓗᓇᐃᔭᐃᔪᑦ, ᐊᑐᕆᐊᓖᑦ, ᐊᒻᒪ ᐊᑐᖁᔭᐅᔪᑦ ᐋᖅᑭᒃᑕᐅᔪᑦ ᐋᓐᓂᐊᖃᖅᑕᐃᓕᑎᑦᑎᔨᓂᑦ ᑲᓇᑕᒥᑦ, ᒐᕙᒪᒃᑯᓐᓂᑦ ᓄᓇᕘᒥᑦ/ᓄᓇᓕᖕᓗᑦ ᐋᓐᓂᐊᖃᖅᑕᐃᓕᑎᑦᑎᔩᑦ, ᐊᒻᒪ ᐊᑐᐊᒐᐃᑦ ᓴᖅᑭᓪᓗᒋᑦ ᓴᓇᔨᖕᓄᑦ ᐊᑐᕐᓃᑦ.

ᓯᓚᕐᔪᐊᕐᒥᑦ ᓴᖅᑭᑦᑐᖃᖅᓯᒪᖕᒪᑦ ᐋᓐᓂᐊᕈᑎᒥᑦ − COVID 19(−ᖑᓂᕋᖅᑕᐅᔪᖅ ᓄᕙᒡᔪᐊᕐᓇᖅ. ᓯᐊᒻᒪᖁᓇᒍ ᐋᓐᓂᐊᕐᓇᖅ, ᓂᕿᓕᕆᕙᒃᑐᑦ ᐊᑐᕆᐊᖃᖅᐳᑦ ᖃᓂᕐᒧᑦ ᒪᑐᐊᕈᑎᓂᑦ ᓴᓇᑎᓪᓗᒋᑦ ᐊᒻᒪ ᐊᒡᒐᖕᓄᑦ ᐅᐊᓴᐃᓂᕐᒥᑦ ᐊᑐᑦᑎᐊᕐᓗᓂ ᓂᕿᓂᑦ ᐊᒃᑐᖅᓯᓚᐅᖏᓐᓂᕐᒥᑦ ᐅᕝᕙᓘᓐᓃᑦ ᑭᐳᓂᑦ ᐋᖅᑭᒃᓱᐃᓚᐅᖏᓐᓂᖓᓂᑦ. 

ᑖᓐᓇ ᖃᓂᕐᒧᑦ ᒪᑐᐊᖅ ᐊᑐᕐᓗᒍ ᓯᐊᒻᒪᒃᑎᑦᑎᑦᑕᐃᓕᒪᓂᕐᒧᑦ ᓄᕙᒡᔪᐊᕐᓇᕐᒧᑦ ᐊᑐᐃᓐᓇᕆᐊᖃᓐᖏᓚᖅ. ᖃᓂᕐᒧᑦ ᒪᑐᐊᖅ ᐊᑐᕆᐊᖃᖅᐸᑦ, ᐊᑐᕆᐊᖃᖅᑎᑕᐅᕗᖅ ᐊᑐᖅᑕᐅᔭᕆᐊᓖᑦ ᖃᓂᕐᒧᑦ ᒪᑐᐊᑦ.

ᓄᕙᒡᔪᐊᕐᓇᒧᑦ ᐊᒃᑐᖅᑕᐅᒍᕕᑦ ᑕᐃᔭᐅᔪᖅ COVID-19-ᒥᑦ ᓇᓗᓇᐃᕐᓂᖏᑦ

ᑖᒃᑯᐊ ᐊᒃᑐᖅᑕᐅᓂᓖᑦ ᓄᕙᒡᔪᐊᕐᓇᒧᑦ ᓇᓗᓇᐃᕈᑎᖃᓗᐊᓐᖏᓚᑦ. ᖃᐅᔨᒪᓐᖏᑐᐃᓐᓇᕆᐊᖃᖅᐳᑎᑦ ᐊᒃᑐᖅᑕᐅᒍᕕᑦ ᓄᕙᒡᔪᐊᕐᓇᒧᑦ ᓲᖃᐃᒻᒪ ᓄᕙᑐᐃᓐᓇᖅᑑᑉ ᐊᔨᑐᐃᓐᓇᕆᖕᒪᒍ. ᓇᓗᓇᐃᕐᓂᐅᔪᑦ ᐅᓪᓗᓄᑦ 14−ᓄᑦ ᓇᓗᓇᐃᓕᑕᐃᓐᓇᕈᓐᓇᖅᐳᑦ ᐊᒃᑐᖅᑕᐅᓚᐅᖅᑎᓪᓗᑎᑦ ᓄᕙᒡᔪᐊᕐᓇᒧᑦ. ᑕᒪᓐᓇ ᐋᓐᓂᐊᓕᕈᑕᐅᕙᒃᑐᖅ ᐊᑯᓂᐅᓛᖑᕗᖅ ᖃᐅᔨᔭᑦᑎᓐᓂᑦ.

ᐊᒃᑐᖅᑕᐅᒍᕕᑦ ᓇᓗᓇᐃᕆᔪᑦ ᐅᑯᐊ:

• ᐆᓇᕐᓗᓂ
• ᖁᐃᖅᓱᑲᑕᒡᓗᓂ
• ᐊᓂᖅᓵᕈᓐᓇᑦᑎᐊᖏᓪᓗᓂ
• ᐳᕙᒃᑯᑦ ᐃᒪᖃᓗᐊᓕᕐᓗᓂ