ᓴᓈᒧᑦ ᐊᑐᖅᓯᒪᖏᑦᑐᖅ? ᓴᓈᒧᑦ ᐊᑐᖅᓯᒫᕐᔪᒃᑐᖅ? ᓴᓈᒧᑦ ᐊᑐᖅᓯᒪᓪᓚᕆᒃᑐᖅ?

ᐃᓂᒃᓴᖃᖅᑐᐃᓐᓇᐅᕗᑦ ᑭᒃᑯᑐᐃᓐᓇᐃᑦ ᑕᕝᕙᓂ ᑐᓐᖓᓴᐃᓂᕐᒧᑦ ᓴᓇᕝᕕᖕᓂᑦ! 

ᑐᓐᖓᓴᐃᓂᖅ ᐃᓗᓕᖃᖅᐳᖅ ᐃᓂᒋᔭᐅᓚᐅᑲᒃᑐᓂᑦ, ᓴᓗᒻᒪᖅᓴᐃᔨᓂᑦ, ᐊᒻᒪ ᓂᕿᓄᑦ ᐱᔨᑦᑎᕋᕐᓂᖅ. 

ᑕᕝᕙᓐᖓᑦ ᐱᓇᓲᑏᑦ ᖁᑦᑎᖕᓂᐅᔪᓂᑦ ᓴᓈᑦᓴᑦ, ᓲᕐᓗ ᓂᕐᕆᓯᓕᕆᔨ, ᓂᕿᓂᑦ ᐱᕙᒌᔭᖅᑏᑦ, ᐆᑦᑎᔩᑦ, ᐅᕝᕙᓘᓐᓃᑦ ᑲᒪᔩᑦ ᑖᒃᑯᓄᖓ ᓇᓗᓇᐃᒃᑯᑕᓕᖕᓄᑦ ᑕᐃᔭᐅᔪᑦ Red Seal Chef−ᒥᑦ, ᓴᓇᔪᓐᓇᖅᐳᑎᑦ, ᐃᓕᓐᓂᐊᕈᓐᓇᖅᐳᑎᑦ, ᐊᒻᒪ ᐊᔪᕈᓐᓃᖅᐸᓪᓕᐊᓗᑎᑦ ᐊᑐᕈᒪᔭᐃᑦ ᒪᓕᒡᓗᒍ! ᐅᓇ ᑕᕝᕙ ᐊᑐᕐᓂᖅ ᐊᒻᒪ ᐃᑲᔪᕈᓐᓇᖅᐳᒍᑦ/ ᐊᐱᖅᑯᑎᓂᑦ ᑭᐅᔪᓐᓇᖅᐳᒍᑦ ᐅᕝᕙᓘᓐᓃᑦ ᐃᑲᔪᕐᓗᑦᑎᒋᑦ ᐊᓯᖏᓐᓄᑦ ᐊᑐᕈᓐᓇᖅᑕᕐᓄᑦ ᓄᓇᕗᒻᒥᑦ.

ᑐᓐᖓᓱᒃᑎᑦᑎᓂᕐᒧᑦ ᐱᓕᕆᖃᑎᒌᒃᑐᑦ ᐃᑲᔪᕈᓐᓇᖅᐳᑦ ᐃᓄᖕᓂᑦ 10−ᖑᔪᓂᑦ ᑎᑭᓪᓗᒍ 100-ᒧᑦ ᖃᐅᑕᒫᑦ. 

ᐃᓱᒪᒋᔭᑦᑎᓐᓂᑦ, ᓴᓇᓂᖅ ᑐᓐᖓᓴᐃᓂᕐᒧᑦ ᐃᑲᔫᑎᑦᑎᐊᕙᐅᕗᖅ ᓲᖃᐃᒻᒪ ᑐᓐᖓᓴᐃᓂᖅ ᐊᑐᕐᓂᖃᕐᒪᑦ ᐅᑯᓇᓂ:

• ᐃᑲᔫᑎᓂᖃᑦᑎᐊᖅᐳᖅ ᓲᖃᐃᒻᒪ ᐃᑲᔪᕋᕕᑦ ᓴᖅᑭᑦᑎᓪᓗᑎᑦ ᐊᒻᒪ ᓴᓗᒪᑎᑦᑎᓪᓗᑎᑦ, ᑐᓐᖓᓇᖅᖢᑎᑦ, ᐊᒻᒪ ᓴᐳᔾᔨᓯᒪᓪᓗᑎᑦ.
• ᐱᓕᕆᓂᖃᖅᖢᓂ ᐃᑲᔪᖅᑐᐃᓪᓗᓂ ᐊᑦᑕᕐᓇᖏᓪᓗᓂ ᓴᓇᕝᕕᒃ ᐱᓕᕆᖃᑎᒌᒃᑐᓄᑦ ᐊᒻᒪ ᐱᔨᑦᑎᕋᕐᓂᖃᖅᖢᓂ ᐅᐸᒍᑎᕙᒃᑐᓄᑦ.
• ᐱᓕᕆᖃᑎᖃᕈᓐᓇᑦᑎᐊᖅᖢᓂ

ᑭᓱᓂᑦ ᓴᓈᒃᓴᖅᑕᖃᖅᐸ ᑕᕝᕙᓂ ᑐᓐᖓᓴᐃᓂᕐᒥᑦ?

ᓇᓂ ᕿᓂᕈᓐᓇᖅᐳᖓ ᓴᓈᒃᓴᕐᒥᑦ ᐊᒻᒪ ᐃᓕᓐᓂᐊᒃᑲᓐᓂᕐᓂᕐᒥᑦ ᐱᔭᕆᐊᖃᖅᑕᕋ

ᑖᓐᓇ ᓇᓗᓇᐃᕈᑎ ᐊᑐᖅᑎᑦᑎᔭᕆᐊᖃᖅᐳᖅ “ᕿᒥᕐᕈᖃᑎᒌᖕᓂᕐᒥᑦ”. ᐃᓄᐃᑦ ᑲᔪᖏᖅᓴᐃᓪᓗᐊᖅᐳᑦ ᖃᐅᔨᒋᐊᕐᓂᕐᒥᑦ ᑖᒃᑯᓄᖓ ᕿᑭᖅᑕᓂᑦ ᓴᓇᕝᕕᓕᕆᓂᕐᒧᑦ ᑎᒥᖁᑖᓄᑦ ᑐᑭᓯᒋᐊᑦᑎᐊᕈᒪᒃᐸᑕ ᐊᒻᒪ ᖃᓄᖅ ᓴᓈᖅᑖᕋᓱᖕᓂᕐᒥᑦ. ᕿᑭᖅᑕᓂᑦ ᓴᓇᕝᕕᓕᕆᓂᕐᒧᑦ ᑎᒥᖁᑖ ᐃᑲᔪᕋᔭᖅᐳᑦ ᓴᓈᒃᓴᐅᔪᓄᑦ, ᓴᓈᒃᓴᒧᑦ . 

ᑕᕝᕙᓂ ᑐᓐᖓᓴᐃᓂᕐᒧᑦ ᑎᒥᖁᑖᓂᑦ, ᐃᓄᐃᑦ ᐱᓇᓲᑎᒧᑦ−ᖁᑦᑎᖕᓂᐅᔪᒧᑦ ᐱᓕᕆᐊᖃᕐᓗᑎᒃ ᐊᒻᒪ ᖁᕝᕙᖅᐸᓪᓕᐊᓕᕐᓗᑎᒃ ᐊᔪᕈᓐᓃᒃᑲᓐᓂᕐᓂᕐᒧᑦ ᑖᒃᑯᐊ ᐊᔾᔨᒌᖏᑦᑐᑦ ᐊᑐᖅᓗᒋᑦ: 

1. ᓴᓈᕐᒧᑦ ᐊᔪᓐᖏᑕᖏᑦ
2. ᐃᓕᓐᓂᐊᒐᒃᓴᐅᔪᓄᑦ ᐃᓕᓐᓂᐊᒃᑲᓐᓂᕐᓂᖅ 

ᐊᔪᓐᖏᓕᒃᑲᓐᓂᕈᕕᑦ ᐱᓕᕆᐊᕐᒥᑦ, ᐱᕙᓪᓕᐊᓕᕈᓐᓇᖅᐳᑎᑦ ᑖᔅᓱᒧᖓ ᑕᐃᔭᐅᔪᒧᑦ ᓴᓈᕐᒧᑦ ᒪᔪᕋᐅᑎ ᐅᕝᕙᓘᓐᓃᑦ ᐱᓇᓱᒍᒪᓂᕆᔭᕐᓄᑦ ᐋᖅᑭᒃᓯᒪᓃᑦ.

ᓴᓇᔩᑦ ᐊᑐᖅᑎᑕᐅᔪᓐᓇᖅᐸᒃᐳᑦ ᑖᔅᓱᒥᖓ cross-train−ᖑᓂᕋᖅᑕᐅᔪᒥᑦ ᐃᓕᓐᓂᐊᕐᓂᐅᔪᒥᑦ ᓴᓇᑎᓪᓗᒍ, ᑐᑭᖃᖅᑐᖅ ᐃᓕᑦᑎᓂᖅ ᖃᓄᖅ ᐱᓕᕆᐊᖃᒃᑲᓐᓂᕐᓂᕐᒥᑦ ᐱᓕᕆᐊᒃᓴᑦ/ᓴᓈᖅ ᐱᓕᕆᖃᑎᖃᕐᓗᓂ ᓴᓇᔨᐅᖃᑎᖏᓐᓂᑦ.

ᓲᕐᓗ ᐃᒪᓐᓇ:

• ᓂᕿᓕᐅᕐᕕᖕᒥᑦ ᐃᑲᔪᖅᑎ ᐃᓕᓐᓂᐊᖅᑎᑕᐅᔪᓐᓇᕆᕗᖅ ᓂᕐᕆᓯᓕᕆᓂᕐᒥᑦ ᐊᒻᒪ ᐊᓯᖏᓐᓂᑦ.
• ᓂᕐᕆᓯᓕᕆᔨ ᐃᓕᓐᓂᐊᖅᑎᑕᐅᔪᓐᓇᕆᕗᖅ ᓴᓗᒻᒪᖅᓴᐃᔨᐅᓂᕐᒧᑦ ᐱᔪᒪᒃᐸᑦ. 
• ᓂᕿᓕᐅᖅᑎ ᐅᕝᕙᓗᓐᓂᑦ ᓂᕿᓕᐅᖅᑎᒧᑦ ᐃᑲᔪᖅᑎ ᓴᓇᖃᑎᖃᕋᔭᖅᐳᖅ ᐊᒻᒪ ᐃᓕᑦᑎᓗᓂ ᐊᔪᕈᓐᓃᒐᒃᓴᓂᑦ ᐃᒐᔨᐅᓂᕐᒧᑦ.

ᑕᕝᕙᓐᖓ cross-training−ᖑᓂᕋᖅᑕᐅᔪᒥᑦ ᐃᓕᓐᓂᐊᕐᓂᖅ, 

• ᑖᒃᑯᐊ ᓴᓇᔩᑦ ᐃᓕᑦᑎᕙᒃᐳᑦ ᐊᔾᔨᒌᖏᑦᑐᓂᑦ ᐊᔪᓐᖏᑕᐅᔭᕆᐊᓕᖕᓂᑦ ᐊᒻᒪ ᖁᕝᕙᕆᐊᖅᖢᑎᒃ ᓴᓇᔪᓐᓇᕐᓂᕐᒧᑦ; ᐊᒻᒪ
• ᓴᓇᔩᑦ ᐊᔪᖏᑦᑐᒥᑦ ᓴᓇᖃᑎᖃᕐᓗᑎᒃ ᖁᕝᕙᕆᐊᖅᓯᓇᔭᖅᑐᒥᑦ ᐱᓕᕆᐊᖑᔭᕆᐊᖃᖅᑐᑦ ᐱᓕᕆᐊᖑᔭᐅᔭᕆᐊᓖᑦ ᐅᕝᕙᓘᓐᓃᑦ ᐱᓕᕆᐊᑦᓴᑦ ᐊᑐᕐᓗᒋᑦ.

Cross-training−ᖑᔪᖅ ᐃᓕᓐᓂᐊᕐᓂᖅ ᑐᓂᓯᕙᒃᑭᕗᖅ ᐱᓕᕆᖃᑎᒌᒃᑐᓄᑦ ᑐᑭᓯᑦᑎᑦᑎᓂᕐᒥᑦ ᓴᓇᔨᓕᒫᑦ ᐱᓕᕆᐊᒃᓴᖏᓐᓂᑦ ᐊᒻᒪ ᐃᒻᒥᖕᓄᑦ ᐅᐱᒋᖃᑦᑕᐅᑎᓗᑎᒃ ᐊᒻᒪ ᐊᔾᔨᒌᖏᑦᑑᔪᓂᑦ ᓴᓈᖃᕐᓃᑦ.