ᓴᓗᒻᒪᖅᓴᐃᓂᖅ ᐊᒻᒪ ᐊᓪᓚᖅᑎᕆᓂᖅ ᐊᑐᐃᓐᓇᕆᐊᖃᖅᐳᑦ ᐊᐅᓚᓂᐅᔪᓂᑦ ᐃᓯᖅᐸᓪᓕᐊᔪᑦ, ᐃᓕᐅᖅᑲᐃᓃᑦ, ᐱᕙᒌᔭᕐᓃᑦ, ᐊᒻᒪ ᓂᕿᓄᑦ ᐱᔨᑦᑎᕋᕐᓃᑦ; ᐊᑐᕐᓗᒋᑦ 1 (ᓂᕿᓄᑦ ᓱᕈᖅᑎᑦᑎᑦᑕᐃᓕᒪᓃᑦ) ᐊᒻᒪ ᐊᑐᕆᐊᓕᒃ 3 (ᑐᖁᑎᕐᓗᒋᑦ ᑕᑯᔪᓐᓇᓐᖏᑕᑦᑎᓐᓂᑦ ᖁᐱᕐᕈᓂᑦ) ᓂᕿᓄᑦ ᐊᑦᑕᕐᓇᖅᑕᐃᓕᓃᑦ.
ᐱᖓᓱᑦ ᐊᑐᕆᐊᓖᑦ ᓂᕿᓄᑦ ᐊᑦᑕᕐᓇᖅᑕᐃᓕᓃᑦ

ᑖᒃᑯᐊ ᐊᑐᕆᐊᓖᑦ ᓇᓗᓇᐃᕐᓂᖃᖅᐳᑦ ᐃᓕᓐᓂᐊᕈᑎᒃᓴᓂᑦ. ᐅᖃᓕᒫᕈᕕᒋᑦ ᑖᒃᑯᐊ ᐃᓕᓐᓂᐊᒐᒃᓴᐃᑦ, ᐃᓕᑦᑎᓂᐊᖅᐳᑎᑦ ᐱᓕᕆᐊᕆᔭᕆᐊᓖᑦ ᐊᑦᑕᕐᓇᖅᑕᐃᓕᑎᓪᓗᒋᑦ ᓂᖅᑮᑦ. ᐃᓚᖏᑦ ᑖᒃᑯᐊ ᐊᑐᕆᐊᓖᑦ ᐊᑐᕐᓂᐊᕆᕗᑦ ᓴᓇᕝᕕᖕᓂᑦ, ᐊᓯᖏᑦ ᐊᑐᕐᓂᐊᕆᕗᑦ ᓴᓈᖑᔪᓄᑦ ᐊᑐᒐᔪᓐᖏᑕᕐᓄᑦ ᐅᕝᕙᓘᓐᓃᑦ ᐊᑐᖅᐸᓐᖏᑕᕐᓄᑦ. ᑕᐃᒪᐃᒻᒪᑦ, ᓴᓈᖑᔪᑦ ᓂᕿᓕᕆᓂᕐᓄᑦ ᐊᒃᑐᐊᓂᖃᖅᐳᑦ ᐊᑐᕆᐊᓕᖕᓄᑦ.
ᐋᖅᑭᑦᑎᐊᖅᓯᒪᓃᑦ ᓂᕿᓕᐅᕐᕕᖕᒥᑦ ᓴᓗᒪᔭᕆᐊᖃᖅᐳᑦ, ᓴᓗᒻᒪᑦᑎᐊᖅᓯᒪᓗᒋᑦ, ᐊᒻᒪ ᐱᐅᔪᓐᓃᕐᓇᖅᑐᓂᑦ ᐱᑕᖃᖏᓪᓗᓂ ᓂᕿᓕᐅᕐᕕᖕᒥᑦᓂᕿᓕᐅᕐᕕᖕᒥᑦ.
ᐊᑐᑦᑎᐊᕈᑕᐅᕗᖅ ᐋᖅᑭᑦᑎᐊᖅᓯᒪᑎᑦᑎᓂᕐᒥᑦ ᐃᓚᖃᖅᖢᑎᒃ ᐅᑯᓂᖓ: ᓴᓗᒻᒪᖅᓴᖅᐸᒡᓗᒍ, ᐊᒃᑲᕐᕖᑦ ᐊᓂᑉᐸᒡᓗᒋᑦ, ᐊᒻᒪ ᐆᒪᔪᓂᑦ ᐃᓂᖃᖅᑎᑦᑎᑦᑕᐃᓕᓃᑦ.
ᑖᔅᓱᒪ ᐃᓱᐊᓂᑦ ᐃᓕᓐᓂᐊᕈᑎᐅᑉ, ᐅᑯᐊ ᐊᑐᕈᓐᓇᖅᓯᓇᔭᖅᐸᑎᑦ:
- ᑐᑭᓯᓗᒋᑦ ᐊᔾᔨᒌᖏᓐᓂᖏᓐᓂᑦ ᐊᒻᒪ ᐅᖃᐅᓯᕆᔪᓐᓇᕐᓗᒋᑦ ᐊᑐᓂ ᓴᓗᒻᒪᖅᓴᐃᓂᖅ ᐊᒻᒪ ᐊᓪᓚᖅᑎᕆᓂᖅ.
- ᐅᖃᐅᓯᕆᔪᓐᓇᕐᓗᒋᑦ ᑕᓪᓕᒪᐅᔪᑦ ᐊᑐᕆᐊᓖᑦ ᐅᐊᓴᕐᕖᑦ ᓂᕐᕆᓯᓄᑦ ᐱᖓᓱᓂᑦ ᐅᐊᓴᕐᕕᓖᑦ.
- ᑐᑭᓯᓗᒋᑦ ᐊᔾᔨᒌᖏᓐᓂᖏᓐᓂᑦ ᑖᒃᑯᐊᒃ ᒪᕐᕉᒃ ᐊᑐᖅᑕᐅᒐᔪᒃᑐᑦ ᐅᐊᓴᐅᑏᑦ ᓂᕐᕆᓯᓄᑦ.
- ᑎᑎᕋᕐᓗᒋᑦ ᐊᑐᖅᑕᐅᕙᒃᑐᑦ ᐱᑕᖃᓐᖏᑎᑦᑎᓂᖅ\ᐊᐅᓚᓪᓗᒋᑦ ᐆᒪᔪᑦ ᐃᓂᖃᓕᖅᑕᐃᓕᑎᓪᓗᒋᑦ.