ᑕᒪᒃᑯᐊ ᓴᓗᒻᒪᖅᓴᐃᔩᑦᐃᒡᓗᖁᑎᒥᑦ ᐃᒡᓗᕈᓯᕐᓂᑦ, ᑎᑎᕋᕐᕕᖕᓂᑦ, ᐃᓄᒋᐊᒃᑯᒃᑯᕕᖕᓂᑦ ᓴᓈᖅᑖᕈᓐᓇᖅᐳᑦ ᐊᔾᔨᒌᖏᑦᑐᓂᑦ ᐅᑯᓇᓂ ᓲᕐᓗ
- ᓴᓇᕝᕕᒡᔪᐊᓂᑦ, ᓄᓇᓕᐅᑉ ᓯᓚᑖᓃᑦᑐᑦ/ᐊᐅᓪᓛᖅᑐᓂᑦ
- ᑎᑎᕋᕐᕕᖕᓂᑦ (ᑖᐋᒪᓚᒃᑯᓐᓂᑦ, ᒐᕙᒪᒃᑯᓐᓂᑦ, ᓇᖕᒥᓂᕆᔭᐅᔪᓂᑦ, ᑯᐊᐸᒃᑯᓐᓂᑦ, ᑮᓇᔭᖃᕐᕕᖕᓂᑦ, ᐊᓯᖏᓐᓂᒡᓗ.)
- ᐋᓐᓂᐊᕕᖕᓂᑦ, ᐋᓐᓂᐊᕐᕕᒡᔪᐊᕐᓂᑦ, ᐃᓐᓇᓪᓚᕇᑦ ᐃᓂᒋᔭᖓᓂᑦ, ᓱᓕᒃᑲᓐᓂᖅ.
- ᐸᐃᕆᕝᕕᖕᓂᑦ, ᐃᓕᓐᓂᐊᕐᕕᖕᓂᑦ, ᓱᓕᒃᑲᓐᓂᖅ.
- ᓯᓂᒃᑕᕐᕕᖕᓂᑦ
- …ᐊᒻᒪ ᑲᔪᓯᑐᐃᓐᓇᕆᐊᓕᒃ
ᐊᑐᕆᐊᖃᕐᓂᖅᐹᖓ ᓴᓗᒻᒪᖅᓴᐃᔩᑦ ᓴᓗᒻᒪᖅᓴᐃᓗᑎᒃ ᐊᒻᒪ ᐋᖅᑭᒃᓯᒪᑎᑦᑎᓗᑎᒃ ᐃᒡᓘᔪᒥᑦ.
- ᓴᓈᖑᔪᖅ “ᓴᓗᒻᒪᖅᓴᐃᔨ ᐃᒡᓗᕈᓯᓕᖕᓂᑦ” ᐊᑐᖅᑕᐅᓪᓗᐊᑕᓲᖑᕗᖅ ᐃᒡᓗᕈᓯᕐᓂᑦ (ᓲᕐᓗ, ᓄᓇᓕᐅᑉ ᓯᓚᑖᓂᑦ ᐊᐅᓐᓚᖅᓯᒪᔪᓂᑦ, ᐃᓐᓇᐃᑦ ᐊᖏᕐᕋᖏᓐᓂᑦ, ᐋᓐᓂᐊᕕᖕᓂᑦ, ᐊᓯᖏᓪᓗ.)
- ᓴᓈᖑᔪᖅ “ᓴᓗᒻᒪᖅᓴᐃᔨ ᑎᑎᕋᕐᕕᖕᓄᑦ” ᐊᑐᖅᑕᐅᓪᓗᐊᑕᓲᖑᕗᖅ ᐃᒡᓗᐃᑦ ᐅᕝᕙᓘᓐᓃᑦ ᑎᑎᕋᕐᕕᖃᐅᖅᑐᓄᑦ, ᐃᓕᓐᓂᐊᕐᕕᖕᓄᑦ, ᐊᓯᖏᓪᓗ.
- ᓴᓈᖑᔪᖅ “ᓴᓗᒻᒪᖅᓴᐃᔨ ᐃᒡᓗᖁᑎᐅᑉ ᓯᓚᑖᓂᓪᓗ” ᐊᑐᖅᑕᐅᓪᓗᐊᑕᓲᖑᕗᖅ ᑖᓐᓇ ᐃᓄᒃ ᐃᒡᓗᖁᑎᒦᓪᓗᓂ ᐊᒻᒪ ᐊᓯᖏᓐᓄᑦ ᐃᒡᓗᖁᑎᓄᑦ ᓴᓗᒻᒪᖅᓴᐃᖁᔭᐅᕙᒡᓗᓂ ᐅᓪᓘᑉ ᐃᓗᐊᓂ (ᓲᕐᓗ, ᐊᖏᓂᖅᓴᐅᔪᑦ ᐃᒡᓗᖁᑏᑦ ᐅᕝᕙᓘᓐᓃᑦ ᐃᓕᓐᓂᐊᕐᕖᑦ ᐃᓂᖓᓂ). ᓴᓗᒻᒪᖅᓴᐃᓂᕐᒧᑦ, ᑖᓐᓇ ᓴᓗᒻᒪᖅᓴᐃᔨ ᐋᖅᑭᒃᓯᖁᔭᐅᔪᓐᓇᖅᐳᖅ ᐋᖅᑭᒋᐊᓕᖕᓂᑦ (ᓲᕐᓗ ᖃᐅᒻᒪᖅᑏᑦ ᐊᓯᖏᓐᓂᑦ ᐃᓪᓕᖅᓱᕐᓗᒋᑦ, ᐊᓯᖏᓐᓗ.)
ᑕᕝᕙᓂ ᐃᓕᓐᓂᐊᒐᒃᓴᒥᑦ ᐊᑐᕐᓂᐊᖅᐳᒍᑦ “ᓴᓗᒻᒪᖅᓴᐃᔩᑦ” ᑕᒪᐃᓐᓄᑦ ᐱᓕᕆᐊᒃᓴᓄᑦ. ᑕᒻᒪᓇ ᐃᓕᓐᓂᐊᒐᒃᓴᖅ ᐊᑐᕋᔭᖅᑕᖏᓐᓂᑦ ᓇᓗᓇᐃᕐᓂᐊᖅᑐᑦ ᓴᓗᒻᒪᖅᓴᐃᔨᐅᔪᓄᑦ ᐊᒻᒪ ᐃᑲᔫᑎᓂᑦ ᓱᖏᐅᓴᕐᓂᕐᒥᑦ ᓴᓗᒻᒪᖅᓴᐅᑎᓄᑦ ᐊᑐᕈᑎᓂᑦ ᐊᑐᖅᑕᐅᕙᒃᑐᓂᑦ ᓴᓗᒻᒪᖅᓴᐃᔨᓄᑦ.
ᓴᓗᒻᒪᖅᓴᐃᔨᑦᑎᐊᕙᐅᓂᖅ ᐊᑐᓐᖏᑎᑦᑎᔪᓐᓇᖅᐳᖅ ᐋᓐᓂᕈᑕᐅᕙᒃᑐᓂᑦ ᐊᒻᒪ ᐋᓐᓂᐊᓕᕈᑕᐅᕙᒃᑐᓂᑦ, ᐱᓗᐊᖅᑐᒥᑦ ᐅᑯᐊ ᐊᑐᕐᓗᒋᑦ:
- ᓈᓪᓗᓂ, ᖁᐃᓪᓗᓂ ᐊᒻᒪ ᑲᑕᒡᓗᓂ
- ᐃᑭᑦᑐᓄᑦ
- ᐃᓕᔭᕆᐊᓕᖕᓂᑦ ᐃᓕᓯᑦᑎᐊᖏᓐᓃᑦ, ᑲᒪᓂᖅ ᐊᒻᒪ ᓇᓗᓇᐃᖅᓯᓂᖅ ᐅᓗᕆᐊᓇᖅᑐᓂᑦ ᓴᓗᒻᒪᖅᓴᐅᑎᓂᑦ; ᐊᒻᒪ
- ᐃᕐᕈᖅᑐᐃᑦᑎᐊᖏᓐᓃᑦ
ᐃᓚᒋᐊᕐᓗᒍ, ᓴᓗᒻᒪᖅᓴᐃᔨᑦᑎᐊᕙᐃᑦ ᐃᑲᔫᑎᕗᑦ ᓴᓗᒪᑎᑦᑎᑦᑎᐊᕐᓂᕐᒥᑦ ᐊᒻᒪ ᓴᓇᔨᑦᑎᐊᕙᐅᓪᓗᑎᒃ ᐊᒻᒪ ᖁᕕᐊᓇᖅᑑᓗᓂ ᑭᒃᑯᑐᐃᓐᓇᕐᓄᑦ.
ᑕᒪᓐᓇ ᐱᓕᕆᐊᒃᓴᑦ ᐊᒻᒪ ᐊᐅᓚᓂᖏᑦ ᐊᔾᔨᒌᓐᖏᐊᕐᔪᒐᔭᖅᐳᑦ ᓴᓇᕝᕕᖕᓂᑦ, ᑕᒪᓐᓇ ᐱᓕᕆᓂᐅᔪᑦ ᐊᔾᔨᒌᐸᓗᖕᓂᐊᖅᑐᑦ.
ᓴᓇᓂᐅᔪᑦ ᐊᔾᔨᒌᖏᒃᑭᕗᑦ. ᐊᑐᕈᓐᓇᖅᐳᑦ:
- ᐅᓪᓘᑉ ᐃᓚᐃᓐᓇᖓᓂᑦ (ᓱᕐᓗ. ᐅᓪᓗᖅ ᑎᓴᒪᑦ ᐃᑲᕐᕋᑦ, ᐅᕝᕙᓘᓐᓃᑦ ᐅᓪᓗᑦ ᒪᕐᕉᒃ ᐱᖓᓱᑦ ᐱᓇᓱᐊᕈᓯᐅᑉ ᐃᓗᐊᓂ)
- ᐅᓪᓗᓕᒫᖅ (ᓲᕐᓗ. ᐃᑲᕐᕋᑦ 7.5 ᐅᕝᕙᓘᓐᓃᑦ ᓐ ᐅᓪᓗᑕᒫᑦ ᐊᒻᒪ ᐃᑲᕐᕋᑦ 10-12−ᒥᑦ ᐅᓪᓗᑕᒫᑦ ᓄᓇᓖᑦ ᓯᓚᑖᓃᑦᑐᓄᑦ); ᐅᕝᕙᓘᓐᓃᑦ
- ᓴᓇᓃᑦ ᐃᖏᕐᕋᓂᖃᕐᓗᑎᒃ ᓄᓴᓕᐅᑉ ᓯᓚᑖᓃᑦᑐᑦ (10−ᒥᑦ 12-ᒧᑦ ᐃᑲᕐᕋᖅ ᐅᓪᓗᖅ ᐊᐅᓚᓂᐊ ᒪᕐᕉᖕᓄᑦ ᐱᖓᓱᓄᑦ ᐱᓇᓱᐊᕈᓰᑦ, ᓄᖅᑲᖓᓗᓂ ᓄᓇᓕᖕᒥᓂᑦ)
ᓴᓗᒻᒪᖅᓴᐃᓃᑦ ᐊᑐᖁᔭᐅᓇᔭᖅᐳᑦ ᐅᓪᓗᒃᑯᑦ ᐅᕝᕙᓘᓐᓃᑦ ᐅᓐᓄᒃᑯᑦ, ᐃᒡᓗᖁᑎᐅᔫᑉ ᐊᑐᕐᓂᐊ ᐊᑐᕐᓗᒍ ᐊᒻᒪ ᓴᓗᒪᖅᓴᐃᓂᐅᔪᑦ ᒪᓕᒡᓗᒋᑦ ᐋᖅᑭᒃᓯᒪᓂᖏᑦ.
ᑕᒪᓐᓇ ᖃᕆᓴᐅᔭᒃᑯᑦ ᐃᓕᓐᓂᐊᕐᓂᖅ ᓇᓗᓇᐃᕈᑎᖃᖃᑦᑕᕐᓂᐊᖅᑐᑦ ᐊᑐᕈᓐᓇᖅᑐᓂᑦ ᓄᓇᓕᐅᑉ ᓯᓚᑖᓂᑦ ᐊᐅᓪᓚᖅᓯᒪᔪᓄᑦ ᐊᒻᒪᑦᑕᐅᖅ ᓄᓇᓕᖕᓂᑦ.