ᑐᓴᓚᐅᖅᓯᒪᕕᑦ ᓂᕿᓄᑦ ᑎᒥᖏᑦ ᓈᒻᒪᒍᓐᓃᖅᑐᓂᑦ ᐅᕝᕙᓘᓐᓃᑦ ᓂᕿᓂᑦ ᓂᕆᔪᓐᓇᓐᖏᑕᖃᖅᑐᑦ? ᓂᖅᖠᐅᕈᕕᑦ ᐅᕝᕙᓘᓐᓃᑦ ᓂᕆᑎᑦᑎᒍᕕᑦ ᓄᑕᖅᑲᓂᑦ ᐃᓕᓐᓂᐊᕐᕕᖕᒥᑦ, ᓴᓇᔨᓄᑦᓄᓇᓕᐅᑉ ᓯᓚᑖᓃᑦᑐᓂᑦ, ᐅᕝᕙᓘᓐᓃᑦ ᐋᓐᓂᐊᕕᖕᒦᑦᑐᓂᑦ ᐊᒻᒪ ᐋᓐᓂᐊᕕᖕᒥᑦ ᓴᓇᔨᓂᑦ, ᐅᔾᔨᖅᓱᕆᐊᖃᖅᐳᑎᑦ ᓂᕿᓄᒃ ᑎᒥᒧᑦ ᐊᒃᑐᐃᔪᓄᑦ ᓈᒻᒪᓐᖏᓕᐅᑕᐅᔪᑦ ᐊᒻᒪ ᖃᓄᖅ ᐱᔭᕆᐊᖃᕐᒪᖔᖅᐱᑦ ᐊᑦᑕᕐᓇᖅᑕᐃᓕᓂᖅ ᑕᒪᐃᓐᓄᑦ.
ᓂᕿᒧᑦ ᑎᒥᖏᑦ ᐊᒃᑐᖅᑕᐅᓃᑦ ᓈᒻᒪᓐᖏᓕᐅᑕᐅᔪᑦ ᐊᑦᑕᕐᓇᓪᓚᑦᑖᕈᓐᓇᕐᒪᑕ ᐃᓅᑉ ᐃᓅᓯᐊᓄᑦ. ᖃᐅᔨᒪᔭᕆᐊᖃᖅᐳᑎᑦ ᖃᓄᖅ ᐱᔭᕆᐊᖃᕋᔭᕐᒪᖔᖅᐱᑦ ᑐᐊᕕᕐᓇᖅᑐᖃᖅᐸᑦ. ᓂᕿᓕᕆᔩᑦ ᑕᒻᒪᖏᓪᓗ ᓴᓇᑦᑎᐊᕆᐊᖃᖅᐳᑦ ᒪᓕᒡᓗᑎᒃ ᒪᓕᖁᔭᐅᔪᓂᑦ ᐊᑐᕆᐊᓕᖕᓂᑦ ᐃᑲᔪᕈᓐᓇᕐᓂᕐᒥᑦ ᓂᕆᔭᖅᑐᖅᓯᒪᔪᓂᑦ ᑎᒥᒥᒍᑦ ᓈᒻᒪᓐᖏᓕᐅᑎᖃᓕᖅᐸᑦ ᑕᒪᒃᑯᐊ ᓂᖀᑦ ᓈᒻᒪᓐᖏᓕᐅᕈᑕᐅᕙᒃᑐᑦ ᐊᑐᖅᑕᐃᓕᒋᐊᕐᓗᖏᑦ ᐋᓐᓂᐊᓕᕈᑕᐅᕙᒃᑐᑦ.
ᑕᕝᕙᓂ ᑎᑎᕋᖅᓯᒪᔪᓂᑦ, ᐃᓕᓐᓂᐊᕐᓂᐊᖅᐳᑎᑦ ᐅᑯᓂᖓ:
- ᐅᓗᕆᐊᓇᕐᓂᖏᑦ ᑎᒥᒧᑦ ᐊᑦᑐᐃᔪᑦ ᓈᒻᒪᓐᖏᓕᐅᑕᐅᔪᑦ
- ᖃᓄᐃᒻᒪᑦ ᐱᒻᒪᕆᐅᖕᒪᖔᑦ ᓂᕆᑎᑦᑎᓂᖅ ᑎᒻᒥᒧᑦ ᐊᒃᑐᐃᕙᒃᑐᓐᑦ ᓈᒻᒪᓐᖏᓕᐅᑕᐅᔪᓂᑦ
- ᖃᓄᖅ ᖃᐅᔨᔪᓐᓇᕐᓂᖅ ᐊᑐᖅᑕᐅᔪᑦ ᓇᓗᓇᐃᕈᑏᑦ ᓂᕿᓄᑦ ᑎᒥᒧᑦ ᐊᒃᑐᐃᓂᐅᔪᑦ ᓈᒻᒪᖏᔾᔪᑏᑦ
- ᐊᑐᖅᑕᐅᒐᔪᒃᑐᑦ ᓂᕿᓄᑦ ᑎᒥᒧᑦ ᐊᒃᑐᐃᔪᑦ ᓈᒻᒪᓐᖏᓕᐅᕈᑏᑦ
- ᑎᒥᒧᑦ ᐊᒃᑐᐃᕙᒃᑐᑦ ᓈᒻᒪᓐᖏᓕᐅᕈᑏᑦ ᐊᒃᑐᐃᑦᑕᐃᓕᒪᓂᖅ ᓂᕆᔭᖅᑐᖅᑐᓄᑦ
- ᖃᓄᖅ ᐱᔭᕆᐊᖃᕐᒪᖔᑦ ᑐᐊᕕᕐᓇᖅᑐᖃᖅᐸᑦ